ذات صباح سمعت دق على باب المنزل. لما فتحت الباب رأيت رجلا ملتحيا وحسن اللباس.
تكلم الرجل : السلام عليك، أنا اسمي هشام. جئت باش ندعيك تمشي تلحس معانا الكابة د الفاطمي
أنا: اسمح لي؟ على من كتهدر؟ شكون هاد الفاطمي وعلاش غادي نلحسولو الكابة ديالو؟
هشام: إذا لحست الكابة دالفاطمي ممكن يعطيك مليون دولار، و الا يهرسلك راسك.
أنا: شني؟ اي نوع من الأبتزاز هذا أنت من المافيا ؟
هشام: الفاطمي هو فاعل خير و صاحب المليارات. هو بنى هذه البلدة. هو سيد هذه البلده وهو يستطيع أن يعمل مثل ما يريد. وهو يريد أن يعطيك مليون دولار، لكن ما يقدرشي حتى تلحس الكابة.
أنا: لا..لا هذا مشي معقول. علاش خصني نلحس الكابة دالفاطمي؟
هشام : شكون انت اللي كترفض الهدية د الفاطمي؟ واش ما خصكشي مليون دولار؟ هاد الشي كامل مقابل لحسة صغيرة على الكابة؟
أنا: ممكن، ربما، اذا كان هذا ليس ضد القانون، ولكن...
هاشم: يا الله معايا.. باش نمشيو نلحسو الكابة دالفاطمي.
أنا: واش أنت كتلحس الكابة دالفاطمي كثيرا؟
هشام: ايه و الله ، دائما...
أنا: وعطاك مليون دولار؟
هشام: لا والله ...هو مايعطيك الفلوس حتى تخرج من البلدة.
أنا: اذا وعلاش ما خرجتيش من البلدة وشبرتي مليون دولار
هشام: لا ما يمكنلكش تحرج من البلدة حتى يقولها لك ، والاّ ما يعطيكش الفلوس، وممكن يهرسلك راسك.
أنا: يعني ما كتعرفوشي شي حد لحس الكابة دالفاطمي، وخرج من البلدة.. وشد مليون دولار؟
هشام: أمي لحست الكابة دالفاطمي بزاف، و خرجت من البلدة السنة اللي فاتت، وأنا متأكّد انها شدات الفلوس.
أنا: واش هدرت معاها، واش سولتها واش شدات الفلوس؟
هشام: طبعًا لا ، حتى واحد ما كيقدر، الفاطمي ما كيبغاشي
أنا: و شني كيأكدلك بأنه غادي يعطيك الفلوس اذا ماسولتيشي و ما هدرت مع حتى واحد من الناس اللي شدوالفلوس.
هشام: مزيان، هو في الحقيقة كيعطيك شي حاجة قبل ما تخرج من البلدة. تقدر تشبر الزيادة في الخلصة أو في التقاعد،تقدر تربح في اللوتورية، أو تجبر شي 200 درهم في الشارع.
أنا: لكن آش دخل الفاطمي بهاد الشي؟
هشام: الفاطمي عنده "اتّصالات".
أنا: اسمح لي اخاي! هاد الشي فحالي فيه شي خدعة؟
هشام: لكن هذا مليون دولار، كيفاش تعمل تخاطر بالخسارة ديالو ؟ وانزيدلك، اذا مالحستشي الكابة ديال الفاطمي، غادي يهرس ليماك راسك.
أنا: أوكي ممكن نشوف هاد الفاطمي، نهدر معاه، نشد منو التفاصيل ديركت ....
هشام: الفاطمي حتى واحد ما كيشوفو، وما كيهدر مع حتى واحد
أنا: مزيان بزاف، وكيفاش كتلحسولو الكابة ديالو.
هشام: بعض المرات كنسردولو لحسة عن طريق النفخ واحنا كنفكرو في الكابة ديالو! وبع المرات كنلحسوا كابة جعفر بالنيابة ... وهو كيسردها للفاطمي.
أنا: شكون هاد جعفر عاود؟
هشام: صاحبنا و الشاف ديالنا... هو اللي علّمنا كاملين كيفاش نلحسو كابة الفاطمي بعض المرات كنعرضو عليه يتغدا معانا.
أنا: وانتوما كيفاش درتو حتى تيقتو هاد الهدرة .... كاين شي حد مسمي الفاطمي، وهاد الفاطمي خصو تلحسوا الكابة ديالو، وهاد الفاطمي غادي يدبر عليكم اذا درتوها؟ ممكن أن يكون هاد جعفر هذا كذّاب؟
هشام: لا، لا! جعفر عنده واحد الرسالة من عند الفاطمي هادي سنيييييين وفيها كيشرح للجميع.. هاه شوف ها واحد النسخة من داك الرسالة .
--------------------------
| مقالة: |
| من مكتب جعفر |
أنا: هذا من الأوراق ديال بجعفر.. شوف مكتوب عليها مكتب جعفر؟
هشام: الفاطمي ما كانش عندو الاوراق داك النهار .. واستعمل الاوراق د جعفر.
أنا: أنا كايبانلي اذا ديناها عند شي خبير غادي نجبرو هادا الخط ديال جعفر
هشام: مستحيل هاد الشي ماشي ممكن، الفاطمي كتّب هذا و أعطاه لجعفر منين تلاقاه.
أنا: أجي ما قلتيليشي قبايل حتى شي واحد ما شاف الفاطمي؟
هشام: مشي دابا، لكن شحال هادي كان كيهدر لكن.. مع شي ناس قلال غير مع الحظوظين
أنا: أنا حسابلي إنه فاعل خير. و شكون هاد الفاعل خير اللي كيهرس ريوس عباد الله غير حيتاش ما كيشباولوشي.
هشام: هاذي الرغبة د الفاطمي، والفاطمي دايما على حق.
أنا: كيفاش حتى وصلتي لهاد الحقيقة؟
هشام: فقرة 7 كتقول "اللي كيقولكم الفاطمي كامل صحيح". واش هاد الشي ما كافيشي.
أنا: ربما جعفر اللي كتب هاد الشي.
هشام: لا مستحيل أبدا! فقرة 5 كتقول "هاد الرسالة كتبها الفاطمي بيدو"، وكذلك فقرة 2 كتقول "ما تشربوشي بزاف"، وفقرة 4 كتقول "كول معاوط"، وفقرة 8 كتقول "اغسل يداك منين تخرج من الطواليت.". الناس كاملين كيعرفو بان هاد الشي صحيح ، اذن الباقي كامل حتى هو صحيح.
أنا: لكن الفقرة 9 كتقول "ما تقيسشي شي حاجة فيها الشراب"، وهذا ما يناقض فقرة 2، والفقرة 6 كتقول "القمر مصوب من الفروماج."، وهذا خطأ.
هشام: لا ما كاينش الفرق ما بين 9 و 2، اللي كاين هو ان 2 توضيح وتفسير وتمهيد لـ9 ، أما الفقرة 6، واش انت كنت في القمر باش تعرف؟ ، لهادا ما تقدرشي تقول بانه ما مصوبشي من الفروماج.
أنا: لكن العلماء تأكدو بان القمر من الحجر ماشي من الفروماج
هشام: لكن هما ما كيعرفوشي واش القمر خرج من الكرة الارضية أو من الفضاء الخارجي، ولهادا يقدر يكون اصله من الفروماج
أنا: شوف انا ماكانفهمشي بزاف في الفلك، لكن كنضن أن الفكرة اللي كتقول ان القمر خرج من الكرة الارضية اكدو العلماء انها مشي صحيحة، وزيادة على ذلك العلماء ما كيعرلافوشي شي طريقة كيفاش يتحول الفروماج للحجر.
هشام: أها...شفتي إنت الأن اعترفت ان العلماء كيخطاو بزاف ...و ما كيعرفوشي كل شيء، لكن احنا متاكدين بان الفاطمي دائما على حق.
أنا: احنا متاكدين، كيفاش؟
هشام: طبعا متأكدين لآن الفقرة 7 في الرسالة كتقولها.
أنا: انت كتقول بان الفاطمي على حق لأن الرسالة كتقولها، والرسالة على حق حيتاش الفاطمي كتبها، واحنا كنعرفو ان الفاطمي هو اللي كتب الرسالة حيتاش هاد الشي اللي مكتوب فيها. وهذا برهان في دائره مفرغه، فحالي كنقولو "الفاطمني على حق حيتاش هو كيقول انه على حق"
هشام: الأن بديت تفهم! عظيم جدا أن تنفتح عينيك باش تشوف الحق الفاطمي!
أنا: لكن... آه، ماشي مهمّ... شني الموضوع ديال الكفتة؟
هشام وجهه يحمرّ.
هشام: الكفتة في الخبز بلا ما تزيد معاها والو. هذا الذوق د الفاطمي. و كل ذوق آخر هو خطأ.
أنا: واذا ما كانش عندي الخبز؟
هشام: ما كاينش الخبز، ما كاينش الكفتة. الكفتة بلا خبز خطأ.
أنا ، بلا لاصوص؟ بلا كيتشوب؟
هشام( منصدم)....آه ماشي معقول انت من هادوك اللي كاياكلو الممنوعات.
هشام( يصرخ)..: ما تستخدمشي كلمات فحال هذه من فضلك! كل الزيادات مع الكفتة .. هي خطأ!
أنا: ف الطبسيل مع الزيت مثلا، والو؟
هشام يدخل أصابعه في أذنيه
: أنا ما كنسمعكشي. لآلآلآلآلآه... هذا مغايلف! كتاكل الكفتة مع الزيت، أنت ضالم ومنحرف
أنا: ابدا واعرا ولديدة! أنا دايما كناكلها
هشام : والله كنت عارف بأنك من داك الناس ، كاع ما يكون ضيعت معاك الوقت ديالي! منين يهرس لك الفاطمي راسك داك الساعة انان نكون ، كنحسب الفلوس ديالي ونضحك عليك. أنا غادي نلحس الكابة د الفاطمي على حسابك ونطلب منو يسمح لك وما يهرسشي ليك داك الراس القاصح، يا واكل الكفتة مع الزيت... وبلا خبز!!!.
وبعد ذلك توجه هشام إلى سيارته وانصرف.
